Bu il Saatlıda 14 min hektara yaxın sahədə pambıq əkiləcək

Respublikanın ən iri pambıqçılıq rayonu olan Saatlıda cari ilin məhsulu üçün çiyid səpininə başlanılıb.

Azfood.az fins.az-a istinadən xəbər verir ki, bu barədə Rayon Dövlət Aqrar İnkişaf Mərkəzindən mlumat verilib.

Bu il Saatlıda 13 min 950 hektar sahədə pambıq əkini aparmaq nəzərdə tutulub. Ötən il ölkə üzrə ən çox “ağ qızıl” istehsal edən pambıqçılar bu il də məhsul istehsalında fərqlənmək üçün bütün lazımi tədbirləri vaxtında həyata keçiriblər. Bu məqsədlə rayonda fəaliyyət göstərən 4 pambıq emalı müəssisəsi ilə 3 min 41 məhsul istehsalçısı müqavilə bağlayıb, 13 min 768 hektar sahədə qış şumu aparılaraq arata qoyulub, suvarma kanalları vaxtında lildən təmizlənib, çiyid səpiləcək sahələrdə malalanıb. Artıq bir neçə gündür ki, rayonda kütləvi çiyid səpininə başlanılıb. Səpin kampaniyasını vaxtında başa çatdırmaq üçün torpaq mülkiyyətçiləri lazımi maşın–mexanizm və ən məhsuldar toxum sortları ilə təmin olunub. İşin yaxşı təşkili nəticəsində az vaxtda 3 min 768 hektar sahəyə toxum səpilib. Fermerlər səpini vaxtında başa çatdırmaq üçün bütün imkanlardan səmərəli istifadə edirlər.

Qeyd edək ki, ötən il Saatlıda 14 min 141 hektar pambıq sahəsindən 47 min 365 ton məhsul yığılıb. Hər hektarın məhsuldarlığı 33,5 sentner olub. Pambıqçılar cari ildə məhsul istehsalını 50-55 min tona çatdırmağı qarşıya məqsəd qoyublar.

Səma Fərzəli

Next Post

Şamaxıda ilk dəfə çörəkotu əkininə başlanılıb - FOTO

Be Apr 19 , 2021
Xaricdə yaşayan həmvətənimiz Ariz Zeynalov Kənd Təsərrüfatı Nazirliyinin sosial media hesabına yazaraq bu sahəyə maraq göstərdiyini və əkin üçün lazım olacaq dəstəyini ifadə edib. Azfood.az fins.az-a istinadən xəbər verir ki, bu barədə nazirliyə məxsus “Aqroservis” ASC-dən məlumat verilmişdir. Məlumata görə, dərhal təklifə operativ reaksiya verilib. ASC bu sahənin inkişafına dəstək həmçinin digər […]